.

 

 
 
     
 

Ontoweb Media en Inligtingsdienste verskaf jou 'n wye reeks van dienste wat die volgende insluit:

Webwerfontwikkeling
Ons ontwerp en ontwikkel vir jou 'n webwerf wat by jou of jou organisasie se behoeftes en karakter pas. Daar is soveel veranderlikes wat 'n rol speel, dat 'n mens dit nie alles hier kan noem nie. Enkele van die veranderlikes is spoed, kleur, uitleg, grafika, embleme, mashoofde, databasisse en die wyse waarop die gebruiker met die webwerf moet kommunikeer..

Onthou jy nog die tyd dat jy 'n webmeester nodig gehad het as jy 'n webwerf het? Ons webwerfontwikkelingsmetodologie skakel die webmeester heeltemal uit. Ons webwerwe kan deur die kliënt self onderhou word deur net die teks wat gewysig moet word in 'n vorm te plaas en dit na 'n geoutomatiseerde program te stuur wat agter die webwerf loop. Hierdie program wysig self die bladsye soos nodig of skep nuwe webbladsye in html-kode, wat jou behoefte ookal mag wees. Die reëls hiervoor word in die ontwerpstadium bepaal. (LW! dit is nie 'n CMS-stelsel soos Joomla, Drupal of  WordPress nie)

Wanneer 'n webwerf ontwikkel word, word dit outomaties ook as 'n mobiele werf ontwikkel. Sien hieronder.

Mobiele werwe
Die Internet-speelveld het met die koms van slimfone heelwat verander . Ja, en slimfone gaan beslis nog slimmer word.

Al hoe meer mense verkies om eerder met 'n selfoon op die Internet te swerf as met 'n rekenaar. Jy hoef nie meer agter 'n rekenaar in te skuif as jy op die net wil swerf nie. Jy swerf in restaurante, dokters se spreekkamers, lughawens en selfs vliegtuie!

Daar is egter reëls wat spesifiek op slimfone van toepassing is wat nie vir die klasieke webwerwe geld nie. Die belangrikste is spoed, 'n kleiner skerm en die gebruik van vingers in plaas van muise. Dit is die belangrikste elemente wat in ag geneem moet word wanneer mobiele werwe ontwikkel word.

Webteks
Wat jy op jou webwerf plaas en hoe jy dit doen is baie belangrik, beide vir die besoekers aan jou webwerf en vir die soekenjins, veral Google. Jou inhoud en taalgebruik moet professioneel wees. Ons kan jou teks verwerk sodat dit geskik is vir jou webwerf.

Vertalings en taalkundige verwerkings
Ons leef in 'n globale wêreld met baie inligting wat in ander tale beskikbaar is. As jou webwerf van inligtingsbronne in ander tale wil gebruik maak, is dit beter om dit professioneel te laat vertaal. Onthou ook dat teks wat op die Internet geplaas word, so kort en bondig as moontlik moet wees. Ons bied jou vertalings- en taalkundige verwerkingsdienste vanaf Duits na Afrikaans, Nederlands na Afrikaans en Engels na Afrikaans.