Beste Leser,

Na aanleding van die baie navrae met betrekking tot die Nuusbrief, wil ek net meld dat persoonlike omstandighede veroorsaak het dat die nuusbrief 'n bietjie stil gelê het. Die rede vir die onderbreking kan jy op Die Weg se webwerf lees (sien hieronder).

Hieronder is ‘n paar webwerwe waarna jy gerus kan kyk. Hierdie webwerwe is almal deur Ontoweb Media en sy medewerkers ontwikkel.

Anton Hartman is 'n fotograaf van formaat en sal die mooiste dag in 'n vrou se lewe nuwe betekenis gee! Besoek sy webwerf by www.antonhartman.co.za en sien vir jouself.

Indien jy in die kunste belangstel, en in die Vrystaat woon, kan jy gerus die webwerf van Pro Arte Produksies besoek. Kyk by www.proarteproduksies.co.za. Susan Maré is baie bedrywig in veral die Bethlehem omgewing.

Het jy ‘n kind of kinders wat emosionele en/of gedragsprobleme ervaar? Dan is spelterapie dalk net die oplossing. Dit het natuurlik niks met spelling te doen nie, maar alles met speel. Tydens terapie word 'n vertrouensverhouding met die kind gevorm, sensoriese- en selfbewustheid verhoog en emosionele probleme geïdentifiseer en aangespreek. Besoek die webwerf van Wietske Boon by www.childtherapist.co.za. Klik op Afrikaans vir die Afrikaanse webwerf.

So van kinders gepraat, is die Christelike opvoeding van jou kinders vir jou belangrik? Die CVO-skole is besig om te groei. Gaan kyk by www.bcvo.co.za.

Die Afrikaanse Nuusagentskap se webwerf verkoop ook nou boeke van Protea Boekhuis in Pretoria. Die webwerfadres is www.afrikaansenuusagentskap.co.za of sommer www.afna.co.za.

Belangrike aankondiging:

Die webwerf Die Weg is amptelik op 5 Augustus 2009 gepubliseer. Hierdie is ‘n webwerf wat jy MOET besoek. Enige persoon of organisasie wat godsdienstige materiaal hier wil publiseer of “uitsaai” kan met ons in verbinding tree. Alles word gratis geplaas en vertoon. Om egter te verseker dat alle materiaal wel aan spesifieke standaarde voldoen, sal dit eers vir publisering of uitsending oorweeg word. Ons wil hiermee graag die Afrikaanse Christelike gemeenskap by hierdie projek betrokke kry. Die webwerf staan tans onder redaksie van myself. Indien iemand egter geroepe voel om dit oor te neem is hy/sy baie welkom om met my in verbinding te tree. Ons sal al die nodige dienste gratis verskaf.

Daar is ook ‘n Forum op hierdie webwerf beskikbaar waar mense hulle sê oor enige godsdienstige onderwerp kan sê. Alle plasings sal egter gemodereer word om te verseker dat standaarde nagevolg word.

Aangesien daar so ‘n groot nood onder ons mense is, is daar ook in die Forum voorsiening gemaak vir mense om hulp te vra en aan te bied. Indien jy werk soek of ‘n pos beskikbaar het, kan jy dit ook hier plaas. Jy moet egter die plasings self doen. Die stelsel is baie gebruikersvriendelik ontwerp.

Die webwerf is by www.dieweg.co.za.
Groete tot ‘n volgende keer,

Lukas du Preez
-----------------------------------------------------------------------------------------------------------

Iets om oor na te dink

‘n Edelman loof ‘n groot beloning uit vir dié kunstenaar wat vrede die beste kon uitbeeld.

Hy besluit om ‘n keuse tussen twee uitstaande skilderye te maak.

Die een skildery beeld ‘n idilliese meer uit met hoë berge daaromheen. Die berge weerspieël in die water van die meer. Bokant die berge dryf ‘n wolkie.

Op die ander skildery word ‘n storm in ‘n berglandskap afgebeeld. Die reën val na benede in ‘n kolkende rivier terwyl weerligstrale die hemel deurklief. Die edelman sien egter net die voël raak wat alleen op haar nes in ‘n struik onder ‘n oorhangende krans sit en broei.

“Dit”, sê die edelman, “is die skildery waarna ek soek. Vrede vind jy nie alleen in gunstige omstandighede nie. Vrede is ‘n kalm hart, midde in die storms van die lewe”.

ONTOWEB MEDIA EN INLIGTINGSDIENSTE - VIR AL JOU INTERNETBEHOEFTES

Leuens en statistiek

President Franklin D. Roosevelt was besig om ‘n toespraak te skryf oor die ekonomie. Hy versoek sy adviseurs om vir hom aktuele statistiek te verskaf sodat dit trefkrag aan sy toespraak kon gee.

Die president word meegedeel dat dit ten minste ses maande sou neem om noukeurige inligting te bekom.

“In daardie geval sal ek maar growwe skattings gebruik”, brom die president.

“Bowendien”, gryns hy, “sal dit minstens ses maande neem om te bewys dat die syfers verkeerd is”.

Gesels met Ontoweb Media mbt al jou webgebaseerde
databasis-
behoeftes teen 'n baie bekostigbare prys. Vriendelike na-afleweringsdiens gewaarborg.

Moenie doen wat sleg is nie; dan sal die slegte jou nooit inhaal nie.

Bly weg van dit wat verkeerd is; dan sal dit wat verkeerd is, van jou af wegbly.

Moenie saad van onreg saai nie; as jy dit doen, sal jy sewe keer meer terugkry as wat jy verwag.

Moenie vir die Here 'n belangrike amp vra nie; ook nie vir die koning 'n ereplek nie.

Moenie voor die Here maak of jy 'n goeie mens is nie; ook nie voor die koning of jy baie wys is nie.

Moenie enigiets verkeerd aan ander mense doen nie, en moenie jou naam in die openbaar weggooi nie.

Uit: Die wysheid van Ben Sirag

Kontak ons

Ontoweb Media en Inligtingsdienste, Sashistraat 32, Eldopark, Centurion, SA