Goeiedag Liewe Leser ,

Die provinsiale regering het aangedui dat die hoofweg tussen Pretoria en Johannesburg verbreed gaan word om die stygende verkeersvolume te kan hanteer. Aan die een kant is dit prysenswaardig. Het jy al probeer om gedurende spitstyd vanaf Pretoria na Johannesburg te ry? Dit kan jou 'n uur tot 'n uur en 'n half neem om die afstand van 40km af te lê. Aan die anderkant moet daar ook gevra word of dit werklik nodig is om elke dag werk toe te pendel. 'n Mens kan sonder moeite die verkeer met tot 20 persent verminder. Hoe? - wil jy seker weet. Deur 'n kopskuif te maak en 'n bietjie lateraal te dink.

Daar is heelwat beroepe waar dit nie nodig is vir personeel om elke dag op kantoor te wees nie. Ek dink veral aan dié personeel wat weinig fisiese kontak met kollegas nodig het. Daar is 'n rits van beroepe waaraan 'n mens op hierdie oomblik kan dink. Deur van breëband tegnologie en virtuele private netwerke gebruik te maak, kan personeel 24-uur per dag, 7 dae per week met hul kollegas in verbinding bly. Personeel werk in die gerief van hulle eie huise en verminder daardeur 'n organisasie se bedryfskostes. 'n Minder spanningsvolle werksomgewing verhoog produktiwiteit en verseker 'n gelukkiger werkerskorps.

Bostaande staan bekend as tele-pendel (Eng: telecommuting). Dit laat die pendel aan die tele-netwerke oor. Dit behels egter drie belangrike faktore, te wete: tegnologie, prosesse en mensbestuur. Hierdie drie faktore vorm 'n eenheid wat korrek bestuur moet word om die meeste sukses uit tele-pendel te kry. Wat die mensbestuur betref moet daar vergeet word van die ou bestuurstegnieke van sitvlak-by-tafel. In plaas van laasgenoemde word die uitsette van personeel bestuur deur gebruik te maak van die toepaslike projekbestuursbeginsels.

Tree gerus met ons in verbinding as jy meer hieroor wil weet.

Gaan besoek gerus Radio Pretoria se nuwe webwerf by www.radiopretoria.co.za vir heerlike Afrikaanse leesstof. Die Internet maak dit ook moontlik om Radio Pretoria klokhelder te ontvang waar jy jou ookal bevind. Van die 65 lande waar volksgenote na Radio Pretoria luister, is daar ondermeer mense in die Verenigde Koninkryk, Ierland, België, Tanzanië, Duitsland, VSA, Nederland, Litaue, Kanada, Australië, Katar, Kambodja, Saoedi-Arabië, Die Filippynse Eilande, Nieu Seeland, Korea en China. Word sommer vandag nog 'n ondersteuner van Radio Pretoria en help om hierdie diens van hulle uit te bou. Inligting is op Radio Pretoria se webwerf verkrygbaar.

Die vraag word dikwels gevra: "Gaan 'n webwerf op die Internet vir my werklik iets beteken?" Die antwoord is ja, maar slegs as dit altyd jonk en vars bly en dit behoorlik geadverteer word. 'n Webwerf wat nie konstant vernuwe word nie, is soos 'n verlepte roos. Niemand kyk daarna nie. Verder moet 'n mens onthou dat daar miljoene webwerwe op die Internet is, en as dit nie behoorlik geadverteer word nie gaan niemand daarvan weet nie. Ontoweb Media sal verseker dat jou webwerf altyd interessant bly en dat die wêreld daarvan weet.

n Man koop vir hom 'n doos van 24 peperduur heerlike sigare. Hy verseker die sigare teen brandgevaar. Nadat hy die sigare een vir een opgerook het, stel hy 'n brandeis teen die versekeringsmaatskappy in. Die hof besluit ten gunste van die eiser aangesien daar geen uitsluitingsklousule vir sekere tipes brand was nie. Die hof gelas die versekeringsmaatskappy om R1500-00 aan die eiser uit te betaal. Buite die hof laat die versekeringsmaatskappy die eiser arresteer vir 24 gevalle van brandstigting!

Groete tot 'n volgende keer,
Lukas du Preez

Die goedkoopste is om van Skype gebruik te maak. Gebruik lukas.du.preez as Skype-naam.

Iets om oor na te dink

Dit is menslik om jou te vergis. Maar om vir iemand anders die skuld daarvoor te gee, dis politiek.

Dit is lekker om ou briewe te lees. Dit hoef nie beantwoord te word nie.

Radio Pretoria het in 2007 begin om Afrikaanse “country” musiek te bevorder.

In samewerking met Klub Lekkerrus Vakansieoord word jong opkomende kunstenaars die geleentheid gegee om nuwe Afrikaanse liedjies bekend te stel.

Saam hiermee word die jong kunstenaars ook die geleentheid gebied om hulle talente aan die luisteraars van Radio Pretoria bekend te stel.

Verskillende pryse, geborg deur goedgesinde organisasies, word toegeken aan die wenners van hierdie opwindende projek.

Meer inligting is te kry by www.radiopretoria.co.za

Jy kan hier uitteken indien jy nie hierdie nuusbrief en toekomstige inligting wil ontvang nie : Teken uit

Kontak ons

Ontoweb Media en Inligtingsdienste, Sashistraat 32, Eldopark, Centurion, SA