Beste Leser,

Sommer met die intrapslag wil ek jou vertel van 'n splinternuwe webwerf. As jy dalk enigiets met swaarvoertuie te make het, wil ek jou graag uitnooi om Equipment Marketing se webwerf te gaan besigtig by http://www.equipmentmarketing.co.za. Die bedryf van hierdie webwerf is in lyn met ons besigheidsmodel waar ons volledige dienste in vennootskap met ons kliënte verskaf.

Equipment Marketing is reeds 25 jaar in die bedryf maar het nou die Internet ingespan om verder uit te brei. Dit is waarlik opwindend om te sien hoe aktief hierdie webwerf is. Dis nou slegs een week na sy lansering en nog voordat die Internet soekmasjiene dit gelys het.

Equipment Marketing verkoop alle moontlike swaarvoertuie en toerusting. Die huidige katalogus bevat 'n volledige steenmakery, diamantmyntoerusting, 'n groot verskeidenheid konstruksie toerusting, asook voertuie, hyskrane, kragopwekkers, vergruisers, vragmotors en nog meer van allerlei aard. As jy iets soek, gaan kyk gerus. As jy dalk enige uitgediende toerusting het wat jy wil verkoop, tree asb dadelik met ons in verbinding dan plaas ons dit. Wat van al daardie ou plaastoerusting wat net staan en oproes? Laat weet ons, iemand stel dalk daarin belang.

Radio Pretoria kan wêreldwyd gehoor word, hetsy via die radio, satelliet of die Internet. As jy 'n getroue luisteraar na Radio Pretoria is, kan jy ook jou stem uitbring vir die gewildste program. Besoek net Radio Pretoria se webwerf by: http://www.radiopretoria.co.za.

'n Persoon het onlangs die opmerking gemaak dat hy half teleurgesteld is met die min besoeke wat hy op sy webwerf ontvang. Die webwerf het aan al die vereistes van 'n goeie webwerf voldoen. Dit was esteties korrek en maklik navigeerbaar. Daarbenewens was al die sleutelwoorde in plek. Die mense wat die webwerf ontwikkel het, het sekerlik geweet wat hulle doen. Maar wat het dan skeef geloop? Die één element wat kort gekom het was die bemarking van die webwerf. Die wanopvatting bestaan nog steeds dat as jy 'n webwerf op die Internet gepubliseer het, jy sommer dadelik honderde besoekers gaan ontvang. Dit is ver van die waarheid. Dit is eers wanneer die webwerf bekendheid verwerf het dat dit deur die gesproke woord verder gedra word.

Voordat 'n webwerf ontwikkel word moet daar eers bepaal word van hoe hierdie nuwe webwerf bemark gaan word .

Ontoweb Media sal nie sy kliënte in die steek laat wanneer dit by die bemarking van hulle webwerwe kom nie. Ons loop die hele pad saam met die kliënt om te verseker dat die uiteindelike produk so suksesvol as moontlik sal wees.

Beer se manlike hormone sit met hom op loop.  Wanneer hy nie sy sin by sy berin kry nie, moet Hasie dit die volgende dag ontgeld. Beer foeter dan vir Hasie behoorlik op.  Op ‘n dag was Hasie weer in die moeilikheid. Beer gryp hom en gooi hom op die grond neer.
Poef! skielik verskyn daar ‘n goeie fee. “As julle ophou baklei is daar drie wense vir elkeen van julle en wat julle ookal vra, sal julle kry.”
“Ek is eerste” sê Beer. “Ek wens dat al die berinne (wyfiebere) in hierdie en die aangrensende bos my begeer.”
Hasie: “Ek soek ‘n valhelm.” 
“Goed, nou die tweede wens”, sê die fee.
Beer: “Ek wens dat al die manlike bere in die bos berinne word en my ook begeer.”
Hasie: “Ek wil graag ‘n motorfiets hê.”
Fee: “Dit is goed so. En die derde wens?”
Beer: “Ek wens dat al die manlike bere in die aangrensende bosse ook berinne word en my begeer.”
Hasie spring op sy motorfiets en voordat hy wegjaag skree hy: “Ek wens dat Beer homoseksueel word!”

Die les: Pasop hoe jy jou minderes hanteer. Hulle mag dalk al jou mooi drome in die wiele ry!

Groete tot 'n volgende keer,
Lukas du Preez

Die goedkoopste is om van Skype gebruik te maak. Gebruik lukas.du.preez as
Skype-naam.

Iets om oor na te dink

Domheid hou die ekonomie aan die gang. Die meeste mense koop en verbruik meer as wat hulle werklik benodig.

Op Equipment Marketing se webwerf is alles te kry. Pas net op vir die klein ongelukkies met die toerusting, veral as jou vrag 'n bom is!

Jy kan hier uitteken indien jy nie hierdie nuusbrief en toekomstige inligting wil ontvang nie : Teken uit

Kontak ons

Ontoweb Media en Inligtingsdienste, Sashistraat 32, Eldopark, Centurion, SA