Beste Leser,

Die gesamentlike onderneming van Ontoweb Media en Equipment Marketing op die Internet, het heelwat gegroei sedert dit in die vorige nuusbrief bekend gestel is. Nuwe produkte word daagliks bygevoeg.

Equipment Marketing verkoop swaar industriële toerusting en masjinerie, vragmotors, kragopwekkers, trekkers en implemente. Daar is selfs ook 'n knortjor op die webbladsye geadverteer.

Equipment Marketing is die alleen agente vir Inyathi hyskrane, en verder ook agente vir QualiProd en Barmac produkte. Sommige van hierdie produkte word in die kantlyn aangetoon. Besoek gerus Equipment Marketing se webwerf by www.equipmentmarketing.co.za

As jy dalk enige uitgediende toerusting het wat jy wil verkoop, tree asb dadelik met ons in verbinding dan plaas ons dit. Wat van al daardie ou plaastoerusting wat net staan en oproes? Laat weet ons, iemand stel dalk daarin belang.

Radio Pretoria hou 'n Biologiese Boeredag op 13 Oktober by die Boskombuis net buite Kleinfontein. As jy dalk iets het wat jy wil uitstal kan jy gerus Radio Pretoria se webwerf gaan besoek by: http://www.radiopretoria.co.za. Stalletjies vir die dag is te huur vanaf so laag as R150.00 vir die dag.

Aangesien daar so baie inligting op die Internet beskikbaar is, is dit belangrik om te onthou dat die Internet gebruiker nie bereid is om baie lank te wag vir 'n webwerf om oop te maak nie. Dit impliseer dat jou webwerf vinnig moet reageer wanneer die besoeker op die skakel na die webwerf klik.

Die tegniese aspekte mbt die reaksietye van webwerwe is te veel om hier te bespreek. Dit kan boekdele beslaan. Aspekte wat die reaksietyd kan belemmer is o.a. die bandwydte van die bediener, die bandwydte van die verbindings, kode wat op 'n bediener uitgevoer word (bv php en databasisse), die oormatige gebruik van grafika en flash media, ens. Aangesien dit nie altyd moontlik is om die gebruik van die vertragers uit te skakel nie, moet kompromis tegnieke soms toegepas word om die beste reaksietyd te verseker.

Vra jouself af:
(1) Is dit werklik nodig om kode te gebruik wat op die bedieners moet loop?
(2) Wat is meer belangrik, die inhoud van die webwerf of die vertoon van die webwerf?

Tydens 'n kantoorfunksie in Melbourne besluit die werknemers om 'n grap op hulle baas uit te haal. Toe hy noodwendig 'n draai moes gaan loop, soek hulle in sy aktetas na sy lotto-kaartjie en skryf die nommers neer. Hulle reël met die spysenier om hulle met hulle onnutsigheid behulpsaam te wees.

'n Halfuur nadat die baas terug is, kom die spysenier daar ingestap en verkondig dat die wennommer vir die aand se lotto-trekking bekend gemaak is. Hy gee toe natuurlik die baas se lotto-nommer.

Die baas kyk na die nommers, vergelyk dit met sy eie nommers, sug diep en vergelyk dan weer die nommers. Nadat hy rukkie stil gesit en voor hom uitgestaar het, spring hy op en verkondig luidkeels: "Mense, ek wil vir julle iets vertel. Ek het al maande 'n verhouding met my sekretaresse. Ek het 'n hekel aan julle almal en wat my betref kan julle almal in julle peetjie vlieg. Ek het 'n miljoen doller in die lotto gewen en ek gaan nou weg."

Einde van sy werk. Einde van sy huwelik. Einde van die verhaal! (met dank aan Broodjeaap.nl)

Groete tot 'n volgende keer,
Lukas du Preez

Iets om oor na te dink

Koningin Christine van Swede bewonder 'n beeld van Bernini. 'n Kardinaal sê aan haar: "Ek sien, U Majesteit, dat U die waarheid bewonder; nie alle heersers doen dit nie."

"Dit is wel waar", sê Christine, "maar nie alle waarheid is uit marmer gekap nie!"

Die vermoë om anders te dink is 'n geskenk wat gewoonlik te laat oopgemaak word.

Gesels met Ontoweb Media mbt al jou netwerk behoeftes. Skakel ons nou by:
012 6585060.

Jy kan hier uitteken indien jy nie hierdie nuusbrief en toekomstige inligting wil ontvang nie : Teken uit

Kontak ons

Ontoweb Media en Inligtingsdienste, Sashistraat 32, Eldopark, Centurion, SA