Beste Leser,

'n Nuwe aanslag, nuwe gesigte, nuwe bestuur en 'n splinternuwe webtuiste. Ek praat nou van die Blanke Ekonomiese Forum (BEF). Gaan besoek gerus hulle nuwe webwerf by www.blankeforum.org. Hierdie webwerf is op 29 Oktober 2007 formeel aan die Blanke Ekonomiese Forum oorhandig. Die nuwe webwerf is grotendeels lede-georiënteerd en besit onder andere 'n werksverskaffingsburo vir werkgewers en werksoekers. Laat weet gerus die BEF indien jy iemand aan 'n pos kan help. Is jy dalk reggestel of afgelê? Stuur dan 'n kort CV aan die BEF vir plasing op die webwerf.

Die gespreksforum (kletskamer) is nou ook bygewerk en beperkende maatreëls is ingestel om die plasing van pornografie en ander ongewensde materiaal op die gespreksforum te verhoed. Dit is ook nou meer gebruikersvriendelik en 'n gebruiker kan sy rekenaar opstel sodat dit nie nodig is om in te teken elke keer as hy/sy die gespreksforum besoek nie.

Die jongste nuus kan via RSS-voere op die webwerf verkry word. Gaan lees die jongste nuus soos verkry vanaf die BBC, De Morgen (Vlaandere), De Telegraaf (Nederland), NPR ('n onverbonde nuusbron uit die VSA), die New York Times en Reuters. Daar word beplan om nog bronne by te voeg.

Een probleem wat alle welsynsgerigte organisasies soos die BEF in die gesig staar, is hoe om bedryfskostes te beperk sodat die inkomste wat deur ledebydraes gegenereer word, aangewend kan word waarvoor dit werklik bedoel is. Gaan kyk maar na enige organisasie of maatskappy dan sal 'n mens vind dat personeeluitgawes bo-aan die ranglys vir bedryfskostes is.

Ontoweb Media het hierdie probleem aangespreek deur 'n webgebaseerde ledebestuur-stelsel te ontwikkel wat die totale proses outomatiseer. Die aansluiting van nuwe lede geskied outomaties en is gebruikersvriendelik. Die stelsel is verder met die eksterne debietordervorderaar en die organisasie se bankstate geïntegreer sodat daar met die druk van 'n enkele knoppie 'n volledige verslag van alle ledegeldinbetalings gegenereer word. Die status van alle lede kan intyds op die bestuurder se rekenaar vertoon word. Die inligting wat in SQL-databasisse gestoor word kan direk in Excel vertoon word sodat alle moontlike verslae getrek kan word. Nuusbriewe kan outomaties aan alle lede uitgestuur word. Die stelsel is modulêr wat uitbreidings aan die stelsel vergemaklik. Die totale pakket bied 'n enorme besparing aan administrasie kostes. Die stelsel is met oopbron (open source) sagteware ontwikkel wat dit nog meer aantreklik maak, aangesien daar geen lisensiegeld betaal hoef te word nie.

Groete tot volgende keer.

Lukas du Preez

Die oupa onderrig sy kleinseun mbt die lewe.

"Binne in my is daar 'n geveg aan die gang", sê hy aan die seun.

"Dit is 'n afskuwelike geveg tussen twee wolwe. Die een wolf is sleg - hy bestaan uit woede, jaloesie, verdriet, hebsug, nyd, verwaandheid, wrok, leuens, valse trots, grootheidswaan en ego.

"Die ander wolf is goed - hy is vreugde, vrede, liefde, hoop, kalmte, nederigheid, vriendelikheid, welwillendheid, meegevoel, vrygewigheid, waarheid en geloof. Binne in jou woed dieselfde stryd - en dieselfde geld vir elke mens."

Sy kleinseun dink 'n oomblik na en vra sy oupa:

"Watter wolf sal die geveg wen?"

Die oupa glimlag en antwoord eenvoudig:

"Die een wat jy voed".

Iets om oor na te dink

Sonder politiese opvoeding is 'n soewereine volk 'n kind wat met vuur speel en enige oomblik die huis in gevaar kan stel.

Johann Heinrich Pestalozzi, (1746 - 1827), Switserse Pedagoog.

Twee studentevriende was so oortuig van hulle kennis dat hulle die aand voor 'n toets in die kroeg deurbring. Hulle gaan egter 'n bietjie te vér en kon die volgende dag nie uit die bed kom nie. Hulle skakel die universiteit en vertel 'n láááng storie dat hulle 'n pap wiel gekry het en daarom nie betyds vir die toets kon wees nie. Die dosent sê dit is goed, maar dan moet hulle die toets die volgende dag kom aflê.

Daardie aand wy die twee hulle volledig aan hulle boeke en kom volleerd die volgende oggend by die klas aan. Die dosent laat die twee in aparte lokale sit en handig die vraestel uit. Die eerste vraag was 5 punte werd en baie maklik.

Die tweede vraag, vir 95 punte het gelui: "Watter wiel was dit?"

Gesels met Ontoweb Media mbt al jou netwerk behoeftes. Skakel ons nou by:
012 6585060.

Jy kan hier uitteken indien jy nie hierdie nuusbrief en toekomstige inligting wil ontvang nie : Teken uit

Kontak ons

Ontoweb Media en Inligtingsdienste, Sashistraat 32, Eldopark, Centurion, SA