Beste Leser,

Die jaar 2008 is reeds vinnig op pad en Kersfees is al 'n volle maand in die verlede. Hier by Ontoweb Media het daar in die tussentyd egter heelwat gebeur wat vir u van belang kan wees.

Daar is baie van ons mense wat tans sukkel om kop bo water te hou, of selfs te oorleef. Die redes daarvoor is aan ons almal bekend. Verskeie persone en ondernemings het nou saamgespan om op 'n onbaatsugtige wyse, sake en werksgeleenthede aan die publiek beskikbaar te stel.

Ons skop dus gedurende Januarie 2008 af met Projek Geelvink, wat as gidsprojek in hierdie verband sal dien.

Daar is tans nog ander projekte wat in die beplanningstadium is. Resultate wat vanaf ons gidsprojek verkry word, sal in ons verdere beplanning en strategieë gebruik word.

Gaan besoek gerus www.safriweb.net/werk vir meer inligting.

Dit hou natuurlik ook verband met ons ander webwerf, www.equipmentmarketing.co.za. As u enige swaartoerusting, vragmotors, laaigrawe, ens het waarvan u ontslae wil raak, kan u gerus hierdie webwerf besoek. Die advertensie tariewe is uiters billik en u kan verseker wees dat ons vanaf ons kant hard sal probeer om u waarde vir u geld te verskaf.

Behalwe Projek Geelvink is daar ook ander inisiatiewe wat ons hoop binnekort sal kan realiseer. Ongelukkig kan ons nie nou al die aap uit die mou laat nie. Ons hoop om met die volgende nuusbrief meer inligting daaroor te gee.

Dinge is aan't gebeur in hierdie land van ons. Die toekoms is baie onseker, en ons sal mekaar se hande moet vat, saam bid en saam werk om te oorleef.

Groete tot volgende keer.

Lukas du Preez

'n Man loop in die veld en sien 'n kokon. Hy tel die kokon op en neem dit saam na sy huis. Hy merk dat daar 'n klein gaatjie in die kokon verskyn waaruit 'n vlinder probeer kom. Hy kyk 'n paar uur lank hoe die vlinder sukkel om homself te bevry. Hy kon dit nie langer hou nie, en besluit om die arme vlinder te help. Hy neem 'n skêr en sny die kokon versigtig oop.

Die vlinder het egter 'n geswolle liggaam en verfrommelde vlerke. So bly hy sy hele lewe lank. Wat die man nie begryp het nie, is dat hy 'n onguns aan die vlinder gedoen het om hom te help. Die smalle kokon en die worsteling om deur die gaatjie uit die kokon te kom, was nodig vir die vorming van die vlinder. Met die worsteling word nodige liggaamsvloeistowwe na die vlerke gepomp sodat hy gereed sal wees om te vlieg sodra hy homself uit sy kokon bevry het.

Net so is die worstelinge in die lewe vir ons ook belangrik. Dit help ons geestelike groei. Sonder daardie worstelinge sal ons nie so sterk wees as wat ons is nie, en sal ons die aanslae van die wêreld moeilik kan deurstaan. Ons sou nooit kon vlieg nie.

Iets om oor na te dink

n Skerpioen staan aan die oewer van 'n rivier wat hy wil oorsteek. Gelukkig vir hom kom daar net 'n padda aangeswem.

Skerpioen: "Asseblief padda, kan jy my op jou rug oor die rivier neem?"

Padda: "Is jy gek? As ons halfpad oor die rivier is, dan steek jy my!"

Skerpioen: "Nee padda, ek sal jou nie steek nie. Dit is suiwer logika. As ek jou steek dan is jy dood en dan versuip ek."

Padda: "Nou goed, klim op my rug dan neem ek jou oor die rivier."

Toe hulle halfpad oor die rivier is, voel padda 'n geweldige steekpyn in sy rug. Terwyl die wêreld om hom wasig word sê hy: "Wat doen jy nou? Jy het dan gesê dat dit onlogies is om my te steek."

"Dit het niks met logika te doen nie", sê die spartelende skerpioen. "Dit sit in my karakter."

Gesels met Ontoweb Media mbt al jou web-gebaseerde databasis behoeftes. Skakel ons nou by:
012 6585060.

Jy kan hier uitteken indien jy nie hierdie nuusbrief en toekomstige inligting wil ontvang nie : Teken uit

Kontak ons

Ontoweb Media en Inligtingsdienste, Sashistraat 32, Eldopark, Centurion, SA