Besoek gerus:

Elektroniese Nuusblaaie

'n Elektroniese nuusblad (eNuusblad) is 'n publikasie wat in pdf-formaat uitgestuur word en wat ook in HTML-formaat op die Web beskikbaar gestel kan word. Dit is gerig om nuusgebeure en interessanthede aan 'n bepaalde gemeenskap of groep te bring. Daar is geen beperking op die aantal bladsye nie solank die totale lêer nie een megagreep oorskry nie.

Die voordeel aan eNuusblaaie is dat daar geen drukkerskoste aan verbonde is nie en die inligting oombliklik wêreldwyd versprei kan word.

Jy hoef nie 'n webwerf te besit om eNuusblaaie uit te stuur nie.

Soos vir eNuusbriewe is daar sekere belangrike punte om te onthou:

  Die inligting moet só aangebied word dat die mense dit graag sal wil lees en ook graag verder sal wil versprei.

  Begin met 'n verspreidingslys van mense wat jy weet dit graag sal wil lees.

  Maak voorsiening daarvoor dat belangstellendes op jou verspreidingslys kan inteken.

  Onthou dat die verspreiding van ongevraagde epos, kortweg bekend as "SPAM"*, onwettig is. Daar is sekere reëls en regulasies mbt ongevraagde epos. Nie alle ongevraagde epos is SPAM nie. 'n Eenmalige bekendstelling van jou eNuusblad aan die teikengroep word nie as SPAM beskou nie. Persone moet wel toegelaat word om te kan uitteken indien hulle dit nie verder wil ontvang nie.

 Die meeste Internetbedieners gebruik SPAM-filters om ongewensde epos weg te hou. eNuusblaaie moet só gestruktureer word dat die filters dit nie as SPAM aansien nie. Daar is niks so frustrerend as wanneer jou epos nie sy eindpunt bereik nie.

* SPAM is 'n internasionale slengwoord vir ongevraagde epos. Dit kom eintlik van "squirrels, possums and mice".